რელიგიური სიბნელე და მარაზმი საზოგადოებაში - ჩორვენი - Tjorven

კუბოკრული კაბის ჯიბეში ბოლო სურვილი რჩება....

მოიძიეთ ბლოგზე სასურველი თემა

Tuesday, June 09, 2009

რელიგიური სიბნელე და მარაზმი საზოგადოებაში

მოკლედ დღეს ფრიად საინტერესო დღე მქონდა, მაგრამ ამ დღის პირველ ნაწილზე ხვალე მოგიყვებით , ქვემოთ -პოსტში კი ძალიან საინტერესო შეხვედრის თაობაზე უნდა გესაუბროთ.

Marf(235)

გუშინ თინიმ ფეისბუქის სტატუსში ძალიან საინტერესო შეხვედრის თაობაზე დაწერა, თანაც უნდოდა, რომ ვინმე გაყოლოდა და მეც დიდ ხანს არ მიფიქრია, გადავწყვიტე წავსულიყავი.

6-ს რომ 20 აკლდა თავისუფლებაზე, ყოფილ მერიასთან შევხვდით და ტაბიძის ქუჩაზე მდებარე “კავკასიური სახლისაკენ” გავემართეთ. მისვლისთანავე რაღაც ძალიან მეგობრული და თავისუფლებით გაჟღენთილი ატმოსფერო დაგვხვდა, თინი ვიღაცეებს ესალმებოდა , ელაპარაკებოდა მე კი მქონდა დრო დამეთვალიერებინა ყველაფერი კარგად.

Marf(238)

იქ მყოფი ადამიანები მშვიდი სახეებით საუბრობდნენ საკმაოდ ემოციურ თემებზე, კითხულობდნენ ერთმანეთში უკანასკნელი მოვლენების განვითარების შესახებ…. მოკლედ სასიამოვნო იყო…

ამ შეხვედრის თემა გახლდათ - “არსებული რელიგიური სიბნეელების გადაჭრის ხერხები”. თემაზე ძირითადი მხარე იყო 3 ადამიანი:

  • ტოლერანტობის ცენტრის ხელმძღვანელი – ბექა მინდიაშვილი
  • მედიატორი ასე ვთქვათ – ბასილ კობახიძე
  • მღვდელი – მამა ზაზა თევზაძე.

Marf(240)საუბარი ძალიან საინტერესოდ დაიწყო, დაისვა კითხვები თუ რა უნდა ქნას საზოგადოების საღად, ობიექტურად და ინდივიდუალურად მოაზროვნე ნაწილმა, მათ ვისაც უნდა რომ იყსო მშვიდად და აკეთოს ის რაც უნდა, იცხოვროს როგორც უნდა, სწამდეს რისიც უნდა?

როგორ უნდა მოხდეს საზოგადოების მხრიდან არსებული სიტუაციის გაპროტესტება? უნდა ამოიღოს თუ არა საზოგადოების ასეთმა ნაწილმა ხმა? რა ხერხები არსებობს მთლიან საზოგადოებამდე ხმის მიწვდენის? რამდენად რეალურია შედეგის მიღება ასეთი მცირე რაოდენობის აადმიანების მიერ სხვადასხვა საპროტესტო მოძრაობით?

მოკლედ კითხვები ბევრი იყო , ასევე ბევრი იყო პასუხებიც, მსჯელობა ძალიან საინტერესოდ მიმდინარეობდა. ზოგიერთების აზრით აუცილებელია განათლების სისტემაში ცვლილება, ზოგიერთის აზრით აუცილებელია სარჩელი სასამართლოში, დანარჩენები თვლიდენ რომ მედია საშუალებები უნდა გამოიძებნოს ისეთი რომელიც მიუკერძოებელია, თუმცა ყველა ერთხმად თანხმდებოდა რომ ადამიანის თავისუფლება უნდა იყოს ხელშეუხებელი -იქნება ის უმცირესობა თუ უმრავლესობა გამოყოფილი ნებირსმიერი ნიშნით.

Marf(237)

Marf(242)აქვე უნდა აღინიშნოს რომ იქ მყოფი 15-20 ადამიანი გამოთქვამდა აბსოლუტურ მზადყოფნას მოქმედებისთვის და ფიქრიც კი დაწყეს რა, ან როგორ შეიძლება გაკეთდეს, რასაც ხვალინდელ – რიგით მეორე თემატურ შეხვედრაზე განიხილავენ!!

საბოლოოდ მინდა გითხრათ რომ ძალიან მნიშვნელოვანია თითოეულმა ჩვენგანმა გავიაზროთ - აუცილებელია ხმის ამოღება ყველანაირ უფლებების შელახვაზე, რატომ უნდა დაიჩაგროს სხვადასხვა რელიგიის, ეროვნების თუ სექსუალური უმცირესობის წარმომადგენელი?

აუცილებელია საზოგადოების უმეტესმა ნაწილმა დაინახოს , რომ ასე არ შეიძლება , რომ თავისუფლება არის Marf(241)მთავარი მონაპოვარი ცივილიზებულ საზოგადოებაში, მაგრამ ვაართ კი ჩვენ ეგეთები??

გირჩევთ ყველას აუცილებლად დაესწროთ შემდეგ შეხვედრას და გააკეთოთ სულ ცოტა იმისათვის, რომ საბოლოოდ ჯამში მივიღოთ ძალიან ბევრი და შეგვეძლოს იმის თქმა რომ ჩვენ შეგნებულ საზოგადოებაში ვცხოვრობთ!!

პ.ს იქ იყო ძალიან მაგარი ადამიანი- სასულიერო სემინარისს პირველი გამოშვების წარმომადგენელი, ადამიანი რომელიც ჩამოვიდა ფშავიდან, მე იშვიათად მინახავს მაგ ასაკის ეგეთი გონება გახსნილი ადამიანები.

თემატური ჩანაწერი - ჯვაროსნები


Tiny

Blog Archive

Subsrcribe