ლოდინი, მოლოდინი, ოდინი ოდეს…. - ჩორვენი - Tjorven

კუბოკრული კაბის ჯიბეში ბოლო სურვილი რჩება....

მოიძიეთ ბლოგზე სასურველი თემა

Wednesday, April 08, 2009

ლოდინი, მოლოდინი, ოდინი ოდეს….

ზოგადად ვერ ვიტან ლოდინს, ვცოფდები როცა მალოდინებენ სადმე, არ აქვს მნიშვნელობა ვინ არის და რამდენი ხანი მაყურყუტებს….

ვხდები აფექტური, კონფლიქტური და აგრესიული , მოკლედ ძალიან ცუდი ტიპი…

ხოდა ეს ყველა ჩემმა ახლობელმა ადამიანმა იცის და მაინც აკეთებენ იგივეს, მერე კიდევ ფრაზით ”კაი რა რა მოხდა” საერთოდ მაშმაგებენ….

არა ვერ გავიგე რატომ არ შეიძება მოხვიდე დროულად????

 

ხოდა გამომდინარე აქედან ახლა მე ვიცი რა ,ყველას დროის შეგრძნება მივდივარ ზუსტად ისე როგორც ისინი, ისეც ხდება იქით ვცდილობ ვალოდინო (აი ეს კი სიამოვნებას მგვრის, ბოღმა ვარ).

თუმცა რამდენი ვიბოდიალე იმისათვის, რომ ძირითად ნაწილზე გადავსულიყავი…

ჰოდა აი არსებობს მეორენაირი მოლოდინი, შინაგანი მოლოდინი, ანუ როდესაც რაღაცას ელი…

მოვლენას ან შემთხვევას ან მეორე დღეს ან ან ან….

ხოდა აი ასეთი მოლოდინი მუცელში პეპლებს მიჩენს და სულ ვცმუკავ, საათს ვუყურებ ყოველ წამს, ან ნახევარ წამში ერთხელაც კი….

რაღაც განსაზღვრულ/განუსაზღვრელის მოლოდინი ციებცხელებასავით მივლინდება….

ხან ცეტი ვარ, ხან ძალიან მშვიდი(ფსევდო დარბაისლური) ხან ვხმაურობ და მოკლედ არაადექვატური ვხდები….

ხოდა აი ასეთი მოლოდინები მინდა, რომ ხშირად მქონდეს, არადა ისეთი საძაგლები არიან , თავს ისე მანატრებენ ხოლმე….

უუ წარმოიდგინეთ , ძილის წინ წევხარ საწოლში და გრძნობ რომ ლეიბს არ ეხები, სადღაც ჰაერში ხარ გამოკიდებული და მუცელი გიღუტუნებს და გიბუყბუყებს, თუ რაღაც ასეთი….

აააა….

აი ახლა მაქვს ზუსტად ეგეთი შეგრძნებააა….მმმმმ……

ავფრინდები….

Blog Archive

Subsrcribe