Thursday, December 31, 2009

უხმაუროდ და უკან მოუხედავად წავიდა ….

და აი ძვირფასებო მიილია 2009 წელიც….

ვერ ვიტყვი , რომ ეს წელი ან ძალიან ცუდი იყო რამით, ან პირიქით გენიალური და აღმაფრთოვანებელი….

ისევე ჩაიარა როგორც დანარჩენმა 22 - მა ჩემს ცხოვრებაში… კარგიც იყო ცუდიც, აღსაფრთოვანებელიც და გულგასატეხიც, გამიხარდა რაღაცეები თუმცა  მეწყინა კიდევაც …

კითვაზე რა იქნება 2010-ში პასუხი არ მაქვს, ისევე როგორც კითხვაზე რას ვაპირებ 2010-ში …

ალბათ რამეს დავაპირებ, ისევ დავწერ ბლოგზე, ვივლი სამსახურში, გავერთობი, მომენატრებიან საყვარელი ადამიანები, ბევრს ვიჩხუბებ და ვიბუზღუნებ, ისევ ვიქნები  მაწაკა როგორიც აქამდე… ალბათ ყველაფერი ზუსტად ასე იქნება!!!

მიხარია რომ ახალი წელი მალე დაიწყება, მჯერა იმის რომ ყველა დასასრული რაღაც ახალის და უფრო სასიამოვნოს დასაწყისია (აგერ ახალი წლის მოსვლაც ხომ მაგას ადასტურებს).

რა გისურვოთ ახალ 2010 წელს?

მხოლოდ იმას გისურვებთ რასაც თავად ისურვებთ, ყველა ვიმსახურებთ იმას რაც საკუთარი თავისთვის გვინდა და არ გვენანება… ღირსები ვართ იმისა რაც გვაქვს და ვიღებთ იმას რისთვისაც ვიბრძვით!

ხოდა მაშ ასე ძვირფასო მეგობრებო, მკითხველებო და უბრალოდ გზააბნეულო სტუმრებო

გილოცავთ ახალ 2010 წელს!!

ერთად ვნახოთ რა იქნება და როგორ განვითარდება მოვლენები.

პ.ს მართალია მე არ მაქვს ნაძვის ხე მაგრამ მაქვს ნატვრის ხე .

axali celi

აგერ გიზიარებთ მას და ჩაიფიქრეთ სურვილები და დაელოდეთ მათ ასრულებას!

Sunday, December 27, 2009

სექსი და მრავალი სხვა ”გარყვნილება”

დღეს გადავხედე ჩემი ბლოგის სტატისტიკას და სერჩ თერმებს, ხოდა გადავწყვიტე რომ დავწერო პოსტი რომელშიც ბევრი რამე იქნება ერთდროულად :)

ცოტა ხუმრობა, ცოტა რჩევები , გაოცება და შეშფოთებაც … მოკლედ განაგრძეთ კითხვა , იმედია არ მოიწყენთ : ) მხოლოდ საუკეთესოები ამოვარჩიე.

დავიწყებ ყველაზე უცნაურით:

  1. ღიპზე ლექსები
    ცოტა უცნაურად მომეჩვენა ეს სიტყვათა შეთანხმება, ასე თუ ისე ვინცნობ ქართულ პოეზიას და რატომღაც არც ერთხელ არ შემხვედრია ლექსი რომელიც არათუ ღიპს, სიტყვა მუცელს მაინც ეხებოდა ან მოიცავდა :) დიდი ხანი ვიფიქრე მაგრამ ვერაფრით მივხვდი რად უნდოდა ამის მაძებარს ლექსი ასეთ თემაზე,მაგრამ გადავწყვიტე დავხმარებოდი და ლექსი დავუწერე:
    რადგანაც ბევრის დალევა გიწევს
    გამოცდილებამ შენ მოგჭრა ჭიპი
    თუმც გავიწყდება ზომიერება 
    მიტომ გეზრდება ნელ-ნელა ღიპი”
    (ძალიან არ გამაკრიტიკოთ უნიჭო პოეტი ვარ, მაგრამ კეთილი და გულისხმიერი)

    შემდეგი სიტყვა გახლავთ
  2. ლევან17
    ლევანი ჩემი მეგობარია და სიმართლე თუ გინდათ წარმოდგენა არ მაქვს რატომ ეძებდა ვიღაცა მას ან როგორ მოხვდა ჩემს ბლოგზე, როდესაც არც ერთხელ მასზე არაფერი არ დამიწერია.(ამ მომენტამდე) ნუ რადგან ვიღაცას აინტერესებს ლევანი დავახასიათებ და ფოტოსაც დაგიდებთ. ლევანი გახლავთ უაღრესად მოწესრიგებული, კეთილი, მეგობრული, შრომისმოყვარე და უცნაური იუმორის პატრონი - ლოთი. მას ყოველთვის აქვს გაჭირვების ჟამისთვის შენახული სიგარეტი და ანაკომის სუპები სახლში :) თავისუფლად შეუძლია ეძინოს უკდიეგანო ღრიანცელში და ერთი წუთით არ შეწუხდეს.
    IMG00757-20091205-0156 IMG00713-20091204-2248


    - შემდეგი პუნქტი არის ძალიან ქართული, ტრადიციული და სულში ჩამწვდომი:
  3. სადღეგრძელოების თანმიმდევრობა
    ჩემო ძვირფასებო, მინდა გითხრათ რომ დიდი ხანი ვარკვევდი არსებობს თუ არა ქართულ ტრადიციებში რაიმე მსგავსი და მინდა 42911pUwt_wგითხრათ, რომ პასუხი ცალსახაა – რამდენი ადამიანიც არსებობს იმდენივენაირი სუფრის წაყვანის ვარიანტი და სადღეგრძელოების თანმიმდევრობა არისო. ასე რომ მოუხმეთ ფანტაზიას (თუ ის  გაქვთ) და ცოტა დაძაბეთ გონება, გაიხსენეთ რა სადღეგრძელოებს ამბობდნენ თქვენი მამები, ბაბუები, ბიძები, ძმაკაცის ძმაკაცები, ძმაკაცის ბიძები და ა.შ. ყველაფერი კარგად იქნება მთავარია ფანტაზია არ დაგიჩლუნგდეთ, თორემ სადღეგრძელოს თუ ვერ მოიფიქრებთ ნამდვილად არ გიშველით თანმიმდევრობის ცოდნა : )

  4. ეს როცა მოხდა მე იქ ვიყავი!
    მე მაპატიოს ამის დამსერჩავმა, მაგრამ რა უნდა? აი რას ეძებს? post-12-1151305021დიდი ხანი ვიფიქრე , დაჟე მეც დავსერჩე ეს ფრაზა და არაფერი …
    ნუ ვერაფრით მოვიფიქრე რა მოხდა, სად იყო, რას ეძებდა, რა უნდოდა… ისიც კი ვიფიქრე რამე ფილმი ხომ არაათქო, ვთარგმნე ვატრიალე , ვაცალკევე ეს ფრაზა, მაგრამ ვერაფერი სრულებით ვერაფერი ვიპოვნე ,ხოდა – ემოებს და დეპრესიულებს გთხოვთ ნუ ეძებთ მარაზმებს ან ეცადეთ ჩემს ბლოგს გვერდი აუაროთ :)
     

    დანარჩენი საძიებო სიტყვები ან სექსთანაა კავშირში ან პირდაპირ მოიცავს მას ასე რომ მოემზადეთ …
    შემდეგ პუნქტში ორ საძიებო ფრაზას გავაერთიანებ, ბარემ უხდება თემატურადაც და აზრობრივადაც და მოკლედ კაია რა.
  5. თამაშები გახდაზე + ალკოჰოლი და სექსი
    როგორც ჩემს წინა პოსტში მაქვს ნახსნებები საღამოს გატარების საუკეთესო ხერხებში თამაში გახდაზე , გეტყვით რომ მართლაც საინერესოა. თუმცა აქ რჩევის სახით დავამატებ კიდევ რამდენიმე ვერსიას.
    ა) სამი თლილი ჭიქა სასმელის (გემოვნებით, რომელიც თქვენ გინდათ) ზედიზედ, მიყოლებით დალევა, თამაში ტარდება წყვილში, ანუ შეჯობრებაა. ვინც დამარცხდება და მეორეზე სწარაფად ვერ დალევს, გამარჯვებულის მითითებით იხდის რამეს.
    ბ) წეროები მიფრინდავდნენ ხომ ყველამ იცით? ხოდა გენიალური თამაშია რომელიც ძალიან კარგად ერგება გახდის პრინციპს :)
    გ) კიდევ ერთი თამაშია ასეთი-იდგმება სამი არყის ჭიქა, ვიღებთ ორ ადამიანს და ისინი ცდილობენ უხელებოდ მხოლოდ პირის საშუალებით რაც შეიძლება სუფთად და სწრაფად დალიონ ჭიქაში მოთავსებული სასმელი :) გამარჯვებული ხდის დამარცხებულს :) ორივე მთვრალია და ყველა ბედნიერი :)
  6. სექსის პოზები
    ნუ რა შემიძლია ვთქვა ამ თემაზე, ჩემს გამოცდილებას ვერ ben_and_lisa_kissing_by_scottchurchვენდობი, აქედან გამომდინარე მიგითითებთ მხოლოდ ვებ გვერდებს სადაც შეძლებთ გაეცნოთ მსგავს ინფორმაციას და ყველა დეტალს.
    ლინკი ნომერი #1
    ლინკი ნომერი #2 (ინგლისური კოსმოს რჩევები)
    ლინკი ნომერი #3 (menshealth – ის რჩევები)

  7. პირველი ღამე
    ნუ ფრიად ინტიმური თემაა და ასევე არ მაქვს გამოცდილება ამ Neck_kiss_on_beach smallთემასთან დაკავშირებით, მაგრამ მაქვს ვარაუდები. ჩემი დასკვნებით ეს ის ღამე უნდა იყოს, როდესაც ქალი პირველად ნებდება კაცს (ტრადიციების მიხედვბით) , რაც შეეხება რეალობას ეს ის ღამეა, როდესაც ერთმანეთკარგადშესწავლილი პარტნიორები მიეცემიან სასიამოვნო და ღრმა ძილს, მთელი საღამოს განმავლობაში  დებილი სტუმრების ყურების შემდეგ. 
  8. kedeltan sex
    ნუ აი ეს სერიოზული გარყვნილებაა :))) რატომ უნდა მოგინდეს ნახვრეტიან აგურში , ან ბლოკში შეყოფა … ან ძველ ხის სახლში ხიჭვების აკიდება იმის გამო, რომ კედელთან სექსი გინდოდა : ))))
    მეგობრებო სექსში მთავარია იგი უსაფრთხო იყოს!!
  9. ქალებს უნდებათ თუ არა სექსი
    არა !! არა !! არა და არა!!
    როგორ შეიძება პატიოსან მანდილოსანს ასეთი სურვილები და აზრები გაუჩნდეს? თქვენ როგორ წარმოგიდგენიათ უბიწო არსებაstringს უნდოდეს სექსი? მერე მანდილი, მერე ტრადიცია , მეზობლები, ნათესავები და ა.შ? 
    ეს იქით იყოს და დიახ : ) უნდებათ , ისევე როგორც მამრებს : ) ისევე იღგზნებიან და განიცდიან ორგაზმს… მოკლედ ქალიც ადამიანია და მასაც აქვს ჩვეულებრივი მოთხოვნა- სურვილი მოთხოვნილებები და საჭიროებები : )

    და ბოლოს
  10. ინტიმის და სექსის გაცნობის კლუბი
    დიახ ჩემო მეგობრებო ასეთი კლუბი ინტერნეტ სივრცეში არსებობს :)თანაც არა ერთი … რაოდენ გასაკვირიც არ უნდა იყოს …
    მიყევით ლინკებს : )
    ყველაზე მასშტაბური კლუბი დღესდღეობით
    გარყვნილების ბუდე ინტერნეტ სივრცეში
    ვუაიერისტები


    მაშ ასე დღეისთვის სულ ეს იყო :) იმედია ცოტათი მაინც დაგეხმარეთ და გაგახალისეთ!

 

 

     

Wednesday, December 23, 2009

კრატიის დემო ვერსია საქართველოში

ისეთი ინფორმაციამქონდა  რომ საქართველო სახელმწიფო იყო.
რეალურად ასეც იქნებოდა ყველა მონაცემით გარდა ორისა : თავისუფლება და დემოკრატია.
ინტერნეტში გავრცელდა ინფორმაცია, რომ ფონდ ”ინკლუზივში” ვიღაც ახვრები შეიჭრნენ და მორიგი დარბევა, სახელით ”ყლეზე გვკიდია რა გინდათ და რას მოითხოვთ თქვენ, ჩვენ ასე გვჭირდება” მოხდა.


აგერ ინფორმაციაც მათ საიტზე - წერილი


ფონდი ინკლუზივის მიზანი გახლავთ :
საქართველოში ლგბტ ჯგუფის სრული ინტეგრაციის ხელშეწყობა საზოგადოებაში ჰომოფობიის დაძლევის, უფლებათა ადვოკატირებისა და ჯგუფის სამოქალაქო აქტივობის გაზრდის გზით.”
ჰოდა ეტყობა ვიღაცას შეეშინდა , არ მოეწონა , გაღიზიანდა და მიიღო გადაწყვეტილება….


ბლინ აი რატომ არ შეიძლება რომ ამ დედა#####ლ ქვყანაში ყველაფერი კანონის და ნორმის ფარგლებში ხდებოდეს? რა #ლედ გვინდა კონსტიტუცია და კანონების მთელი 123423 ტომი თუ არავის არ აინტერესებს რა წერია იქ?

რატომ დებილდება ყველა ვისაც ძალაუფლება უვარდება ხელში? რატომაა რომ ყველა თანამდებობის პირის თავის ქალაში რუხი ნივთიერება მომენტალურ ლპობას იწყებს როგორც კი სტატუსს აიმაღლებს?
არ შეიძება რომ იქ სადაც ცხოვრებაც მინდა და მომწონს და მიყვარს არ მეშინოდეს? არ ვიმალებოდე? არ ვიდევნებოდე? ეს დედააფეთქებული რატომ არ შეგვიძია მივიღოთ ყველა ადამიანი ისეთი როგორიცაა? ეხლა გამოხტებოდა აქ ვიღაც იდიოტი და იტყოდა მართმადიდებელ ქვეყანაში ეგ არ შეიძლებაო!



მოგიტ###ნთ რწმენა და მორწმუნეობა( და არა მრწამსი და სარწმუნოება), დარბევა და სხვისთვის შეურაცხყოფის მიყენება შეიძლება ხო? ძალადობაც შეიძლება ხო? მაგრამ მთავარია პირჯვარი გადაიწერო და მერე ეკლესიაში მიხვიდე და აღსარება ჩააბარო!!!
რატომ უნდა მიჩნდებოდეს სურვილი რომ აღიგავოს პირისაგან მიწისა ადგილი რომელიც მიყვარს? ან როგორ უნდა ვისურვო ნახევარი მოსახლეობის უცაბედი სიკვდილი?



 
ბლინ!!
გული მერევა!! მართლა გულით მინდა რომ ერთბაშად დაიხოცონ ყველა მსგავს ქმედებაში გარეული და ასეთი რამის მხარდამჭერი ადამიანები!!

update: მართალია რელიგიას არ ვერჩი არც მართმადიდებლობას და საერთოდ ყველას აქვს უფლება სწამდეს რისიც უნდა, მაგრამ სარწმუნოების უკან ამოფარება და ამ არგუმენტით გამართლება/ჩადენა მსგავსი ქმედების ძალიან აღმაშოფოთებელი და გამაღიზიანებელია(გულის ამრევიც კია, ეს ჰომოფობურ საფუძვლებს ეხება). ზემოთ დაწერილ ფრაზაში რა თქმა უნდა ყველა საღად მოაზროვნე და ჭეშმარიტად მორწმუნე ადამიანი არ იგულისხმება. თავდაპირველ ტექსტს შეგნებულად არ ვასწორებ უბრალოდ ამ აბზაცს ვამატებ!

Tuesday, December 15, 2009

ძველი, გამეორებული განწყობა და სურვილები : )

მინდა: ნაყინი

მინდა: თავისუფლება

მინდა: გართობა

მინდა: ბუშტი, წითელი ბუშტი

მინდა: მთაში

post-59-1110542942

მინდა: ამინდი, წვიმიანი ამინდი

 

 

 

 

 

 

 

 

 

კაცი მინდა!!!!!!

Wednesday, December 09, 2009

მითიური სექსუალურობა ჩვენი ტვინის ხვეულებში

ქვემოთ მოცემულ ტექსტში შესაძლოა მოცემული იქნას სკანდალური ინფორმაცია, სუსტი გულის პატრონებს გტხოვთ შეწყვითოთ კითხვა ან მოიკრიბოთ გამბედავობა და ისე განაგრძოთ.

მაშ ასე არაფერი უცნაური იმაში არაა რომ ეხლაც ვზივარ და ბლოგზე ვწერ მაგარამ მთავარი ეს არაა მთავარი ისაა თუ რა იქნება დაწერილი ამ ტექსტში და რამდენ ადამიანს დააინტერესებს ის ყველაფერს რომ თავი დავანებოთ ახლა ზიხართ ეცნობით ამ ფრაზებს და აზრადაც არ მოგდით ის თუ რით შეიძება დამთავრდეს ეს აბზაცი რომელიც შესაძლოა ფრიად გრძელი და მონოტონურიც კი აღმოჩნდეს მნიშვნელოვნება ამ ფრაზების მინიმუმამდეა დაყვანილი და ჩათვალეთ ეს ერთგვარი ექსპერიმენტი უფროა  რადგანაც შეიძლება თქვენ არც დაკვირვებიხართ და უაზროთ ცაარიკინეთ მთელი ტექსტი და უბრალოდ აყოლებდით თვალს სტრიქონებს მაგრამ აბა თავიდან გადახედეთ ნუთუ არაფერი არ აკლია რა თქმა უნდა აკლია ეს სასვენი ნიშნები და მინდა გაცნობოთ რომ თქვენ სულ ახლახანს ჩაიკითხეთ 12 სტრიქონი რომლებიც არანაირ აზრს არ ატარებენ და არც სასვენი ნიშნებით არის რამე გამოყოფილი გილოცავთ ესეიგი თქვენ სულ ტყუილად კითხულობთ ყველაფერს რაც ინტერნეტში გხვდებათ შემდეგისათვის მოიკრიფეთ ყურადღება და ისე გაეცანით ნებისმიერ ტექსტს

ასე და ამგვარად მე უბრალოდ გავერთე! გისურვებთ სასიამოვნო მომავალ დღეს! საუკეთესო სურვილებით უცნაური იუმორის პატრონი მე :)

პ.ს სათაური უბრალოდ სატყუარაა : ))))

Tuesday, December 01, 2009

ყელში ამოსული Me-რეალობა!

მე მგონი ყველა ადამიანს აქვს მომენტი (ან ები) ცხოვრებაში როდესაც სასწრაფოდ რამე თუ არ შეცვალა ძალიან ცუდად გახდება….

ზოგისთვის ეს ცვლილება ვარცხნილობის შეცვლით, გარდერობის განახლებით ან 1 კვირიანი შვებულებით შემოიფარგლება ხოლმე …

მე ეს ყველაფერი არ მეყოფა!! სასწრაფოდ რაიმე ექსტრემალურად განსაკუთრებული უნდა გავაკეთო, ან შეიძება ეს უცბედი მოქმედება არ Liftიყოს მაგრამ საბოლოოდ შედეგი ჰქონდეს სუნთქვის შემკვრელი.

ძალიან მჭირდება რაღაც ძალიან ახალი, ძალიან სხვა, ძალიან უჩვეულო.

 

დაჟე მინდა სხვანაირი მე ვიყო ცოტა ხანში!

ეს შეგრძნება უკვე 1 თვეა მაგრად მაწუხებს და მგონი დროა რომ დავიწყო მოქმედება … გავაკეთო რამე იმისთვის რომ არ მოვიწყინო, არ მომბეზრდეს, არ დავითრგუნო…

გავაკეთო რამე იმისათვის რომ კიდევ ერთხელ აღვფრთოვანდე ჩემი შესაძლებლობით, მონდომებით და რაღა თქმა უნდა საბოლოო შედეგით!

დროა!

Tuesday, November 24, 2009

გეი, აღიარება და ქართული საზოგადოება

მოკლედ ნახევარი საათის წინ ჩავდივარ ქვედა სართულზე ჩაის პორციის ასაღებად და ოჯახი უყურებს იმედზე გადაცემას ”სიმართლის დრო”.



ნუ სტუმარი ვიღაც ფრიად სიმპატიური მოწიიფული მამაკაცია და ისმება კითხვა: ”თქვენ ჰომოსექსუალი ხართ?”
კითხვას არ გავუკვირვებივარ რომ არა საკმაო ხნიანი დუმილი ამ რესპოდენტის თუ სტუმრის თუ რაც ქვია…
ვდგვარ და ვუყურებ , ნეტა რას იტყვის? იტყვის-არ იტყვის… მაგრამ ფაქტია ფიქრობს რა თქვას…
და ბოლოს თქვა ”დიახ ო” . სიმართლე გითხრათ გამიკვირდა. ნუ აღმოჩნდა რომ ეს ადამიანი ქუთაისში არის ლექტორი (ადგილი სადაც ყველაზე ნულოვანია ტოლერანტობა გეების მიმართ რაც მე გამიგია და მომისმენია, გაგება კაი ბიჭჴბა და ამბავი) და იცნობს საზოგადოება.
ხოდა მინდა გითხრათ ავღფრთოვანდი, იმიტომ კი არა რომ გეია ან რამე მსგავსი, უბრალოდ ძალიან ძალიან თამამი ნაბიჯია საქართველოში , კი შეიძება ყველამ ისეც იცის მაგრამ მისი პირით ნათქვამი ალბათ მეხივით გავარდა.
რა თქმა უნდა ბებიაჩემმა დაიწყო ვიშვიში და მორალის კითხვა , მაგრამ მაინც ბრავო ამ ადამიანს.  პლიუს ამას იმითაც ახსნა ეს აღიარება რომ მალა ლი როგორია ადამიანის სექსუალური ორიენტაცია , წარმატებული და მაგარი თუ ხარ მაინც ხარ ასეც და ისეცო!
ჰო კიდევ ამ ადამიანმა ბევრი აღიარებები დადო კგბ და მსგავს ამბებში მონაწილეობაზე მაგრამ საქართველოში ეგ ისე მძაფრად არ აღიქმება დარწმუნებული ვარ!!
ხოდა სულ ეს მინდოდა მეთქვა!

Friday, November 13, 2009

მორიგი 13 გა-20-და-2-და!!!!

აი ისევ 13 ნოემბერია, სუსხიანი დღე არაა მაგრამ მაინც სასიამოვნოა….

ზამთარი მოიპარება….........

ისევ მახსენებენ რომ 22 წლის წინ დავიბადე… მახსენებენ რომ მაწაკი და საძაგელი ვიყავი და დავრჩი კიდეც ისეთად…

შევიცვალე? კი რა თქმა უნდა ჰოპ და ახლა უკვე 22ჯერ ჭკვიანი და საძაგელი ვარ :)

ჩემი წლევანდელი დაბადების დღეც მეორე 13იანის გარეშე გადის, შორსაა თუმცა მაინც ვგრძნობ …

ჰოდა ასე გავიდა უკვე 21 და დაიწყო 22-ე

კარგია, მომწონს… კარგად დაიწყო …

და იმედია ესე საკაიფოდვე გაგრძელდებაა!!!

კოკოოო გილოცავ!! ვილოცავ!! და ვაფშე

13 13 13 13 13 13 13 13 13 13 13 13 13 13 13 13 13 13 13 13 13 13 13 13 13 13

პარასკევი 13 რიცხვი , ზუსტად ისევე როგორც 1987 წელს ……


Update:After Party Pics <3

















































Love Youuuu......

Thursday, November 12, 2009

თავდაცვა , თავდასხმა და პრესტიჟი

საერთოდ სპორტი მიყვარსთქო ვერ ვიტყვი . აზარტული ვარ და ზოგჯერ არის მომენტები როდესაც ნებისმიერ სპორტულ შეჯიბრს ვუყურებ სიამოვნებით.

თუმცა მიუხედავად ამის მაქვს ორი სპორტი რომელიც ძალიან მიყვარს ერთი რაგბია რომელზეც ეს ჩანაწრი ნამდვილად არაა….

ხოლო აი მეორე სპორტის სახეობა გახლავთ ფარიკაობა….

სპორტი რომელშიც ყველა მოძრაობა აგრესიული და ამავე დროს უაღრესად ფრთხილია….. ყველა მოძრაობაში რაღაც აღმატებული და განსაკუთრებულია….

ეს არის ის სპორტი რომელშიც შენი სიამაყე და რეპუტაცია  მოძრაობის პირდაპირ პროპორციულია.

ფარიკაობაში ყველაფერი დახვეწილი და ამბიციურია…. რა ძლიერია შეგრძნება როდესაც დაიხურავ მუზარადს, გაისწორებ ხელთათმანს და შენს რაპირას ძლიერად მოუჭერ ხელს…. მიიღებ საწყის პოზას და მოემზადები დარტყმისათვის….

შეტევა, უკანდახევა, შეტევის აცილება, ისევ შეტევა…. ჩხვლეტა ……

გაიმარჯვე!!!!!

მიყვარს და ყოველთვის აღფრთოვანებული ვიქნები ამ სპორტით!!!!

Saturday, November 07, 2009

პირდაპირ და მარცხნივ

როდესაც ადამიანს აქვს ცუდი ჩვევა ეს ძალიან ცუდიაო აბობენ, მაგრამ….

შეიძლება თუ არა განვიხილოთ პირდაპირობა (აზრის პირდაპირ თქმა დაფარვის და მიკიბვ-მოკიბვის გარეშე) ცუდ ჩვევად?

ჩვეულებრივ, რასაც ვფიქრობ იმას ვამბობ და რასაც ვამბობ იმასვე ვფიქრობ…. ძალიან იშვიათად რომ არ ვთქვა რასაც ვფიქრობ, ისიც იმ შემთხვევაში თუ ადამიანი ერთადერთხელ და პირველად მყავს ნანახი.

მართალია, ის რომ მე პირდაპირ ვეუბნები ყველას ყველაფერს უმეტესობაში იწვევს გაღიზიანებს, მაგრამ ნამდვილად მირჩევნია fuck off sayvareloგავაღიზიანო სხვა ვიდრე ვიყო გაღიზიანებული მე თვითონ, თუნდაც იმიტომ, რომ ერთი გაღიზიანებული სხვა გავლენას ვერ ახდენს ჩემს გარშემო მყოფ სხვა 100ზე, ხოლო მე ვახდენ. გამოდის რომ სწორ და რაციონალურ გადაწვეტილებას ვიღებ ხოლმე.

არის კიდევ მეორე ვარიანტი ვიღაცა მეტყვის რატომ არ გკიდიაო? რა მკიდია ის რომ მიჩნდება აზრი და არ ვთქვა? მაშინ დაკიდებას ჯობია იმას ვიჩალიჩებ რომ აზრები არ გამიჩნდეს, მაგრამ არა…

 

ზოგჯერ იმხელა სიამოვნებას მანიჭებს ყველაფრის პირდაპირ თქმა რომ ამას ვერ შეველევი….

ხოდა ასე და ამგვარად იყავით მზად რომ რასაც ვფიქრობ იმასვე გაგიმხელთ ყველანაირი კორექტირების და კორექტულობის გარეშე!

ასეთი ვარ და Deal with it ….

p.s მიწიდან აწეული ვარ და აერში ვფარფატებ!! მადლობა ბაკოს :)

Monday, November 02, 2009

BI - ბისექსუალი - IB

ნუ ჩათვალეთ რომ ხმამაღლა ვფიქრობ….

არატრადიციული სექსუალური ორიენტაციის ადამიანები ჩემთვის ძალიან ჩვეულებრივი ხალხია და საერთოდაც მე არავის და არაფრის წინააღმდეგ არაფერი არ მაქვს ….

აი უბრალოდ ვფიქრობ ბისექსუალი ეს ისეთი ადამიანია რომელმაც ვერ იპოვა საკუთარი თავი? ანუ ის ძიების პროცესშია? საკუთარ თავს ემალება?

თუ უბრალოდ რეალურად ერთ მხარესაცაა და მეორე მხარესაც?

ადამიანში არის ორი სხვადასხვა ნაწილი, მხარე, როგორც არ უნდა ერქვას და ეგ მაინც არ ნიშნავს რომ გაორება აქვს?

მე მაინც ვემხრობი აზრს (ბეევრი ვიფიქრე … :) )რომ ბისექსუალებს გაორება არ აქვთ ანუ ორივე სქესის (თავისიც და საწინააღმდეგოც) წარმომადგენელთან ურთიერთობით იღებს რაღაცას და რადგან ორივესთან უნდა ურთიერთობა, ესეიგი ეს მიღებული რაღაც განსხვავდება ერთმანეთისაგან. ანუ ემოცია, ურთიერთობა ფრიად განსხვავებულია და სხვადასხვა შეგრძნებებს ბადებს.

საერთოდ სიმართლე თუ გინდათ გენიალურია ბისექსუალი იყენებს სექსუალურ რესურსებს ოპტიმალურად :)

ხოდა ნუთუ ვცდები?

Friday, October 30, 2009

ოთახის მოწყობა მინიმალური ხარჯით-Self hand made

მოკლედ რაშია საქმე რახან დავგეგმე ბარემღაც დავწერ :)

ჰოდა მინიმალური ხარჯი ძალიან ფართო ცნებაა, ამიტომ მე დავწერ აქ ვარიანტებს და მიახლოებით ფასებს თუ რა დაგიჯდებათ კრეატიულ საინტერესო , საკუთარი ხელით დეკორირებული ოთახი ან მისი ელემენტები.

პირველ რიგში დავიწყებ იქიდან, რომ რაოდენ პატარა და უსახური ოთახიც არ უნდა გქონდეთ (ან გეჩვენებოდეთ რომ ეგეთია) სარკეები მას დაამშვენებს და ბევრად უფრო მშვენიერს და ვიზუალურად დიდს P1100713გახდის.

საჭირო მასალა :

  • სარკე – 1 მ2- 35 ლარი (არის თურქულებიც 28 ლარიანი მაგრამ მალე  ფუჭდება)
  • სილიკონი ანუ გერმეტიკი შუშის და სარკისათვის- 5-10 ლარი ( ნუ ამასთან აუცილებელია მისი შპრიციც ისე ვერ გამოიყენებთ)
  • პერმანენტ მარკერი (ფერი გამომდინარე ოთახის ფერიდან შეგიძლიათ აარჩიოთ რამოდენიმე ან ერთი) – 1.5 ლარი (ცალი)

რას ვაკეთებთ: სასურველ ფორმაზე და ზომაზე გამოჭრილ სარკეებს ვდებთ სახით დაბლა, ვუსვამთ გერმეტიკს ისე, რომ მოვიცვათ თითქმის P1100716 მთელი სარკე, მაგრამ მთლიანი ზედაპირი კი არა ზოგიერთი ნაწილები მხოლოდ ანუ კუთხეები, გვედრების შუა და ძირითადი სარკის შუა ნაწილი. შემდეგ ვიღებთ სარკეს და ვამაგრებთ კედელზე სასურველ ადგილას, გვიჭირავს და ვაწვებით ასე 2 წუთი, იმისათვის რომ სარკე დაფიქსირდეს და გერმეტიკმა აიღოს. აქვე რჩევა თუ სარკის ნაჭერი საკმაოდ დიდია მაშინ ასეთი ხერხით მიმაგრებულ სარკეს სჭირდება რამე საყრდენი სანამ გერმეტიკი დაიჭერს. გერმეტიკის გაშრობას ესაჭიროება 24 საათი.

მას შედეგ რაც თქვენი სარკე უკვე კარგად მიემაგრება კედელს , თაროს თუ სხვა ზედაპირს სადაც თქვენ ის დაამაგრეთ შეგიძლიათ მოიმარჯვოთ პერმანენტ მარკერი და ზედ გააკეთოთ სხვადასხვა ნაწერები, ჩარჩოები, ნახატები, მოკლედ სადამდეც ფანტაზია და ნიჭი გაგიქაჩავთ…. მას შემდეგ რაც პერმანენტ მარკერით მუშაობას მორჩებით შეგიძლიათ P1100717დატკბეთ თქვენი შედევრით. ოთახში ახლა როგორც პრაქტიკული, ისე დეკორატიული გამოყენების სარკეები გაქვთ, რომელიც ძალიან საინტერესო ელფერს შემატებს თქვენს ოთახს.

აი ასე სულ რაღაც 50 ლარად გაქვთ ახალი დეკორაცია, ჰენდ მეიდი თანაც თქვენით გაკეთებული.

(მე ჩემს სარკეზე სტიკერიც დავაწებე სპეციალურად შუშისთვის და გარშემო მარკერით კანტიც გავუკეთე ისევე როგორც მთლიან სარკეს)

შემდეგი იდეა მოიცავს საინტერესო სტენდის გაკეთებას რაც ოთახის დიზაინს განსაკუთრებულ სახეს შესძენს , გაახალისებს და თქვენ ყოველთვის გექნებათ რაღაც, რაც მოწყენილობის და უხაისათობის ჟამს შეგიძლიათ გამოცვალოთ , გაახალისოთ ან ”დაანავაროტკოთ”

მაშ ასე საჭირო მასალა:

  • რაიმე რასაც აქვს ჩარჩო (მაგალითად დიდი სურათის ჩარჩო, პინ ბორდი, მუყაოს უზარმაზარი ნაჭერი…)- ამის ფასი არ ვიც გააჩნია P1100714რას მოიძიებთ (ჩემი ბორდი 25 ლარი ღირდა)
  • მშენებლობისას გამყენებადი ღრიჭოების ამოსავსები ქაფი – 10-15 ლარი
  • პულვილიზატორიანი საღებავი (რა ფერიც გინდათ და გაწყობთ) – 5 ლარი
  • წებო (შესაძლოა დაგჭირდეთ)- 3 ლარი (მე მომენტი მაქვს :) )

რას ვაკეთებთ: ვიღებთ ქაფს და ან პირდაპირ ნაზად ვასხავთ ჩვენს ჩარჩოზე (თუმცა ამას არ გირჩევთ გაიძლაზნება) ან ვასხავთ რაიმე ზედაპირზე რომელიც არ გვჭირდება, ვაცლით გაშრობას (ამასაც კაი ხანი უნდა გასაშრობად) შემდეგ ვაჭრით ამ უსარგებლო დრობიეთ ზედაპირიდან  ნელა ქაღალდის საჭრელი დანით (აკა რეზაკი) .

ორივე შემთხვევაში როდესაც ქაფი გაშრება ვღებავთ პულვილიზატორით სადღაც 15 სანტიმეტრის დისტანციიდან (ნუ თუ P1100725პირდაპირ ჩარჩოზე დაასხით მანამდე კეთილი ინებეთ და შუშას და ყველა დანარჩენ ნაწილს გადააფარეთ გაზეთი რომ არ შეიღებოს). საღებავის გაშრობას ასე 5 საათი უნდა. თუ თქვენ ქაფი დანით ააჭერით და არ დაგისხავთ პირდაპირ ჩარჩოზე ამ შემთხვევაში დაგჭირდებათ წებო. წებოს ნაზად გაანაწილებთ ასანტის ღერით ან ყურის საწმენდი ჯოხით ჩარჩოს ზედაპირზე და ქაფის უკანა ნაწილზე, შემდეგ კი გამშრალ ქაფს დაადებთ ჩარჩოს და ოდნავ დააწვებით და დაიჭერთ, იმისათვის რომ P1100720დაფიქსირდეს ზედაპირები ერთმანეთზე.

მაშ ასე თქვენ ჩარჩო მზად გაქვთ ეხლა უნდა გააკეთოთ კოლაჟი ჩასვათ  ამ ჩარჩოში , დაკიდოთ კედელზე და დატკბეთ საკუთარი ნახელავით, ხოლო როგორც კი ცუდ განწყობაზე დადგებით , მოაცილოთ ძველი კოლაჟი და გააკეთოთ ახალი , ახალი განწყობის შესაბამისად.

მაშ ასე ჩვენ უკვე გვაქვს მეორე ჰენდ – სელფ მეიდ ნივთი სულ რაღაც 48 ლარად :)

 

 

და ბოლოს ყველაზე საინტერესო, თუ თქვენ გეზარებათ მადენი ზინტლაობა, მაგრამ მაინც გინდათ რაიმე საინტერესო სიახლე თქვენს ოთახში, შედით ინტერნეტში, მოიძიეთ ფოტო შედეგები სერჩ რაიმე ასეთს მიიღებთთერმ ”tribal tattoo”-ზე ან ”funny pictogram”-ზე (ან თქვენით დახატეთ თუ ნიჭი და იდეები ხელს გიწყობთ) ამობეჭდეთ სასურველი სურათი,  გამოჭერით ( ანუ გააკეთეთ ტრაფარეტი) მიადეთ კედელს და დავაი, შეღებეთ ცარიელი ადგილები, მოაცილეთ ტრაფარეტი კედელს და თქვენ გაქვთ ახალი საინტერესო ორნამენტი ოთახში :) სულ რაღაც ერთი თაბახის ფურცლის და ერთი მარკერის ან ქილა საღებავის ფასად :)

 

დღეისთვის სულ ეს იყო საუკეთესო სურვილებით იდეებ რა ვუყო ჩორვენი :)

Friday, October 23, 2009

იდუმალი ბლოგერი-Guess Who!

არაფერი განსაკუთრებული, არც პირადული….

ამათგან არც ერთი არაა იმიტომ, რომ სათაურიდანაც ჩანს - ეს ბლოგერი იდუმალია!

გარდა იმისა, რომ შეგიძლია შეხვიდე მის ბლოგზე და დატკბე განახლებადი, სასიამოვნო დიზაინის, კრეატიული ჰედერებით, საინტერესო ვიდეო და ფოტო მასალით, მეტს ვერაფერს ვერ გაიგებ მასზე ….

მე არ მინახავს, წარმოდგენა არ მაქვს ვინ არის და როგორია რეალურად…. მეტ ნაკლებად ყველა ბლოგერი ვიცი…. ის არ გამოჩენილა … ნუ ყოველ შემთხვევაში იმ შეკრებებეზე რომელზეც მე ვარ ნამყოფი…

ის ყოველთვის შემოდის და აკომენტებს… ყოველთვის დადებითია…

მის პროფილში სულ რამოდენიმე მონაცემია, ის რომ მამრია (ეს მისი ბლოგის სათაურიდანაც ჩანს) რომ 23 წლისაა და თბილისშია…

კიდევ მისი ბლოგიდან შეგიძიათ მისი სკოლისდროინდელი ზედმეტსახელის გაგებაც , მაგრამ ეს ინფორმაცია მაინც არ უდრის არაფერს….

მის ბლოგზე დევს კლასის ფოტო მაგრამ მიდი და გაიგე რომელია…

თუმცა მერე ახალ პოსტში უდევს ბავშვობის ფოტო ….

ბლოგი თავიდან ბოლომდე გადავაქოთე (ნუ მგონი რავიც თუ რამე არ გამომრჩა) და ყველაზე გენიალური პოსტი აღმოვაჩინე : პოსტი

მოკლედ ეს ბლოგერი მე მაშფოთებს…. დაჟე მაშინაც კი როდესაც imemeს ჯაჭვი იწერებოდა შეძლო იდუმალების შენარჩუნება და ყველა პუნქტი ისე ლაკონურად და მოკლედ დაწერა, რომ ვერაფერიც ვერ გავიგე…..

ა ხო კიდევ :

“He is a happy dreamer . . .

 

He believes in love . . .” – so sweet

კიდევ შეიძლება გაიგო სად და როგორ მუშაობდა რაღაც მომენტში, რა ფილმებს უყურებდა და რას კითხულობდა მაგრამ…. რაღა მაგრამ ჩემს ცნობისმოყვარეობას ეს ვერ აკმაყოფილებს…. Blushing

ეკონომისტი რომ არ იყოს იქნებოდა

ან ფსიქოლოგი,
ან პიანისტი,
ან მზარეული : )

(  ღმერთმანი )

ხოდა ბოლოს რა მინდოდა მეთქვა ამით? არც არაფერი მხოლოდ ჩემი აღშფოთება და თავბრუსხვევამდე მისული ცნობისმოყვარეობა აღვწერე :)

OTO ნუ ხარ იდუმალი!! ან კაი იყავი მაგრამ ცოტათი მაინც გაიხსენი რა….

პატივისცემით უკიდეგანოდ ცნობისმოყვარე ჩორვენი !

Sunday, October 18, 2009

5 იდეა როგორ გავატაროთ საღამო

მოკლედ რახან დავგეგმე უნდა დავწერო კიდევაც.

ვეცდები შემოგთავაზოთ საინტერესო თუ ბანალური 5 იდეა როგორ გაიხალისოთ საღამო.

  1. დავიწყოთ იმ იდეით რომელიც არ მოითხოვს დიდი დანახარჯებს, ასეთი საღამო იგეგმება სახლში (თქვენსაში თუ მეგობართან გადამწყვეტი არაა)P1090813
    ვმარაგდებით დიდი რაოდენობა სახრამუნო და საცმუცნი რაღაცეებით, ვიზიდავთ 5-6 ან მეტსაც რავიც მეგობარს.
    შემდეგ ვიმარაგებთ კარტს, ჩილიმს (რომელიც ყველა თავმოყავერ ადამიანის სახლში უნდა იყოს მე თუ მკითხავთ) მუსიკალურ ცენტრს და რა თქმა უნდა საინეტერსო თამაშს (რომელიც შეგიძიათ მოიძიოთ ინტერნეტში) დასალევად. ერთ ერთი ასეთი თამაშია გახდაზე – Strip or Shot . იდეა მმდგომარეობს იმაში რომ ნებისმიერი წესი შეგიძლიათ მოიგონოთ მაგალითად ყველამ თქვას ლექსი ვინც არ იტყვის იხდის ან სვავს, ან იხდისაც და სვავსაც…. მოკლედ მაგრად გაერთობით მთავარია დილით როდესაც შიშველი სხეულებით იქნება მოფენილი სახლი თავზე არავინ წამოგადგეთ :)
  2. მეორე იდეა მოიცავს ქალაქიდან გაბოდიალებას, იღებთ ერთ მანქანას, ამატებთ 5იოდე მეგობარს (ნუ თუ სამარშრუტო ტაქსი არ გაჩითეთ რომელშიც 16 კაცი ეტევა) და მიდიხართ ქალაქთან ყველაზე ახლომდებარე მინდორში :) ტკბებით ვარსკვლავებით, ლუდით და ერთმანეთის კამპანიით. მეტი ამ იდეას არ უნდა. ბანალურია მაგრამ ისეთი სასიამოვნოოო…
  3. ეს შემთხვევა რა თქმა უნდა მოითხოვს თანხებს თუმცა იმდენს არა რომ გერმანული ანგარიშით (აკა ნემეცკი შოტ) ვერ მოახერხოთ განხორციელება. თუ სახლში არ გაქვთ ჩილიმი , არც პირველი და არც მეორე იდეა არ მოგწონათ მაშინ აიღეთ ისევ მეგობრები და დაიძარით სულთან ბარისკენ რომელის კანდელაკისა და ნუცუბიძის ქუჩების შესართავში მდებაროებს, თუ მაინც და მაინც არც ეს ვარიანტი გხიბლავთ მაშინ დაიძარით პურპურისკენ სოლოლაკში (მისამართი არ ვიც გამოიყენეთ 09) სასიამოვნო გარემო გემრიელობები და მოკლედ კაია. თუ გინდათ კლუბი მაშინ მიბრძანდით გურუში, რუსთაველის პროსპექტზე,პაწას წეიძიგძიგებთ მაინც. თუ არც ეს ადგილი გხიბლავთ მაშინ აუცილებად უნდა წახვიდეთ ახალ გახსნი Flowers ში, მთელი ქალაქი ჩანს კარგია ლამაზია ფასებიც არაჩვეულებრივი.
  4. თუ მაინც და მაინც პეროები ვერ მოიძიეთ აიღეთ ისევ მეგობრები დაირაზმეთ და ადით ლისზე. დასხედით გემრიელად თევზებით გაჯერებულ და გავსებული ტბის ნაპირზე დააწყვეთ ბევრი ლუდი ერთჯერადი ჭიქები თბილი ტანსაცმელი და მეგობრები წრეზე , წამოიწყეთ რაიმე ჩამთრევი საუბარი თემაზე ომი მშვიდობა სექსი და ღალატი და ლუდი მოწყენილობა და საღამო ერთბაშად, თვალსა და ხელს შუა გაქრება :)Alone_by_fairies_dreams
  5. და ბოლოს თუ მაინც ვერ მოიწონეთ ვერც ერთი ზემოთ თქმული იდეა, მაშინ აღიარეთ რომ ხართ ძალიან უხასიათო და წუნია ადამიანი, გამოიკეტეთ ოთახის კარი, აარჩიეთ სახლის  ბიბლიოთეკაში უზომოდ მოსაწყენი წიგნი ამას დაუმატეთ მუსიკა და ჩაი და იჯექით ეგრე მანამდე სანა ამ პოსტის თავიდან გადაკითვამდე ყველა იდეა ბოლოს გარდა თქვენში აღფრთოვანებას არ გმოიწვევს!

 

 

 

კეთილი სურვილებით მე!

Monday, October 12, 2009

5 ოცნება თუ რაღაც ეგეთი.

მოკლედ დავითაგე Jokey სთან ხოდა რადგან ისე არაფერს ვწერ ამას მაინც დავწერთქო ვიფიქრე.

დავწერ პირდაპირ როგორც გამახსენდება:

  • აუცილებლად უნდა ვნახო ტიბეტი, მაროკო, მექსიკა, კუბა და იამაიკა. ნუ რატომ და რისთვის ამის ახსნა ვგონებ საჭირო არაა. უბრალოდ უნდა ვნახო დავნახავ კიდეც
  • უნდა მყავდეს მინიმუმ ორი მანქანა , თუმცა რატომ ორი უნდა მყავდეს ეს მანქანები:
    • Mercedes G class






____________________________________________________________________________

    • Ford Mustang






__________________________________________________________________________________________

    • Pontiac Firebird









________________________________________________________________________________________
    • Jaguar XJS Cabriolet








_________________________________________________________________________________________


  • უნდა მქონდეს სახლი სადმე ცივ და ბევრთოვლიან ადგილას. იმისათვის რომ თავი კარგად და ბედნიერად ვიგრძნო
  • განვახორციელო ყველა იდეა პროექტი და მქონდეს მინიმუმ 4 ჩემი ბიზნესი (თუ საქმე თჲ როგორც გინდათ დავარქვათ)
  • მქონდეს ბევრი უზომოდ ბევრი თავისუფალი დრო საკუთარი სიამოვნებისათვის

ჰმ ბევრი ვიფიქრეთქო ამ პუნქტებზე არა მაგრამ თითქოს ისინი ოცნებებს დიდად არ შეესაბამება და მიზნები უფროა, თუმცა რავიც ასეა და….

ვთაგავ:

OTO

KUDA

KATE

LEONARD SHELBY

SAL

Sunday, October 04, 2009

მაწანწალას აღიარება!


მთელი ცხოვრება... არაუფრო სწორი იქნება მას შემდეგ , რაც ჩემი ცხოვრება მახსოვს...
.მახსოვს რომ ძალიან არ მიყვარდა და არ მიყვარს (არა, უფრო მძულს) სახლში ჯდომა. ძალიან მიხაროდა როდესაც დედა , ჩემი ბიძშვილები ან ნებისმიერი კეთილი ადამიანი ხელს მომკიდებდადა სადმე მივყავდი. ანუ მივყავდი იქიდან, რასაც ჩემი სახლი ერქვა იმ მომენტში....
...იმიტომ კი არ მიხაროდა, რომ ჩემს სახლთან მიმართებაში მქონდა რამე პრობლემება ან იქაურობა არ მიყვარდა, არა უბრალოდ იქ ყოფნაზე უფრო მეტად საყვარელი სხვა ადგილებში, სხვა გარემოსა და ხალხში ყოფნა მსიამოვნებდა და მიხაროდა.
ჩემთვის ძალიან საინტერესო იყო ახალი სახეები, ახალი სიტუაციები, დამოკიდებულება, გარემო, ემოცია,ურთიერთობა... ნებისმიერ პატარა დეტალს, რომელიც მანამდე არ მქონდა შეხვედრილი და არ ვიცოდი , ღრუბელივით ვიწოვდი და მერე დიდხანს მიმყვებოდა ამ დეტალზე ფიქრი და შეგრძნება!
რა ხდება დღეს....დღემდე არაფერი შეცვლილა ჩემში ამ მიმართულებით.... სახლში 2 დღეზე მეტად ჯდომა ჩემში აგრესიას და სეროზულ თრგუნვას იწვევს... ვხდები აუტანელი და საზიზღარი (ხშირად ისეც ვარ, მაგრამ ჩათვალეთ რომ გაათმაგებული მაქვს ხოლმე ეს მახასიატებლები). დღემდე ძალიან მიყვარს სხვასთან წასვლა, სხვის სახლში აღმოჩენა... თუნდაც არა სახლში ,სხვა გარემოში სხვა ადამიანებთან ან იგივე ადამიანებთან ახალ სიტუაციებსა და შეგრძნებების მორევში .
როგორც არ უნდა იყოს, მთავარია რომ იქ ერთი პატარა დეტალი მაინც იყოს ისეთი ,რომელიც ჩემში რაღაც ახალას და საინტერესოს გამოიწვევს.... გამოიწვევს და დარჩება....
ძალიან მიყვარს სხვაგან დარჩენა გარდა იმ ადგილებისა, რომელიც ჩემთვის ან სახლივითაა ან სახლივით კარგადაა ნაცნობი...
ძალიან საინტერესო შეგრძნებები მოაქვს ხოლმე ახალ ადამიანების გარემოცვაში გატარებულ დღეს / ღამეს... ძილს, ერთად გაღვიძებას... საუზმეს , ნებისმიერ მათთვის ჩვეულ რიტუალს ახალი დღის დაწყებისას......
ძალიან, ძალიან საინტერესოა.... ყველა დეტალი ქმნის ერთ მთლიანს, ხოლო როცა დეტალები იმაზე მეტს ქმნიან ვიდრე ერთი მთლიანია, მაგაზე მაგარი შეგრნება ალბათ არც არსებობს ,ან თუ არსებობს აუცილებლად თანასწორია ამ ემოციასთან!!!
ძალიან მიყვარს ის რაც არ ვიცი და მაქვს შანსი გავიგო....

Wednesday, September 30, 2009

როგორც შენ გინდა, თუ როგორც არის?

ცოტა ხნის წინ ვუყურებდი ფილმს Interstate 60, ხოდა ამ პოსტის დაწერის იდეაც მაქედან წამოვიდა.
არის თუ არა სინამდვილეში ყველაფერი გარდაუვალი, თუ ნებისმიერი მოვლენა შემთხვევითობაა? არსებობს თუ არა დამთხვევები?
შესაძლებელია თუ არა რომ ადამიანმა იპოვოს გზა რომელიც არ არსებობს ,
ან უფრო სწორია ჯერ არავინ იცის მისი არსებობის შესახებ რამოდენიმე ”ვიზუნჩიკის” გარდა? დაინახოს ის რასაც მანამდე არ აქცევდა ყურადღებას?
Neal Oliver: Black hearts? Red spades? 

Come on, thats like cheating.
interstate60-1
Ray: 

Ah, experiEnce has conditioned you into thinking
that all hearts  are red and all spades are black
because their shapes are similar.
Its easier for your mind to interpret them based
on that past  experiEnce instead of being opEn to
the idea they could be differEnt. We see what we expect
to see, not necessarily whats  really there. Makes
you wonder how many other things are right in front of
you - sights, sounds, smells that you cant experiEnce
because youve beEn conditioned not to.

როგორია რეალობა რეალურად??
მართალია ჩვენ მხოლოდ იმას ვხედავთ რაც ნაკლებ ტკივილს მოგვაყენებს,
რაც უფრო გვაწყობს, რაც ადვილი გადასატანია,
 მაგრამ რა ვიცით რამდენ რამეს ”ვმაზავთ”
ამ დროს. შეიძლება ყველაზე საინტერესო ადამიანი ვერ შენიშნო,
ყველაზე საინტერესო ადგილის მონახულებაზე უარი თქვა,
ყველაზე დიდი თავგადასავალი შენს გარეშე განვითარდეს.

რატომ არ ვართ იმდენად თავისუფლები,
რომ ყველაფერი ზუსტად და ადექვატურად მივიღოთ?
არ ვეძებოთ საზღვრები და შეზღუდვები?

რატომ გვჭირდება ის რომ თავი მოვიტყუოთ?
სხვები მოვატყუოთ?


”Say what you mean, mean what you say”.
You know that if everybody follow that rule,  
there'd be a lot less trouble.

უფრო საინტერესო იქნებოდა (ნუ კიდევ უფრო) ადამიანებთან
ურთიერთობა მაშინ როდესაც არავინ ეცდებოდა ყველაფრის გამარტივებას
და სირთულის საერთოდ გაქრობას
(არა თუ თავიდან აცილებას ან გვერდის ავლას)
 

ეგ კი არა, ამ ფილმში ძალიან კარგად არის
გაშარჟებული ადამიანები და მათი სურვილები, უმეტესობა ჩვენგანმა
არც კი იცის რა უნდა და უნდა თუ არა ის რაზეც ოცნებობს,
ნამდვილად მიანიჭებს თუ არა სიამოვნებას მას ესა თუ ის
კონკრეტული რამის მოხდენა.
ძალიან ძალიან დიდი სიფრთხილეა საჭირო სურვილების ჩაფიქრებისას
(თუმცა აუცილებლად საჭიროა ჩაფიქრება,
აბა ისე ყველაფერს აზრი და აზარტი დაეკარგება)
რომ რაიმე სისულელე სულელურად არ აგიხდეს და სანანებელი არ გქონდეს მერე.


”one young couple wished to be married and live
happily ever after. So I blew up their car at the
church on the way to the honeymoon.”

ამ ფილმში იდეალურადაა განხილული და გაშარჟებული ყველა
ადამიანური სისუსტე და სურვილები, მაგრამ ყოველ ნახვაზე გამორიცხულია
რაიმე ახალი არ აღმოვაჩინო და კიდევ ერთხელ არ ვიხალისო!!
 
გირჩევთ თქვენც ნახოთ!
Interstate 60

Tuesday, September 29, 2009

4 in 1 (experiment)

დიდი ხანი არ მიფიქრია, უბრალოდ შევედი სვითისთან ბლოგზე და დამხვდა მეოთხე გაკვეთილი პირველი სამის ლინკებიანად, ხოდა ავდექი და პირდაპირ წერა დავიწყე . საინტერესოა 4 in 1 რა გამომივა.

# 1 პრეზენტაცია ლიფტისთვის:

”ჩორვენის ბლოგი ეს არის გზამკვლევი რეალურ ცხოვრებაში, პიკანტური ასოციაციების და არომატების თანხლებით”

(აი ასე ერთ ამოსუნთქვაზე მოსული განმარტებაა)

# 2 დააკვირდით სტატისტიკას :

ბოლო 7 დღის განმავლობაში:

- უნიკალური მომხმარებლების მაჩვენებელმა დაარტყა ნიშნულს 297 .

-ყველაზე მეტი ნახვა ჰქონდა თავფურცელს და ამ პოსტს

-გვერდების ნახვა უნიკალურ ვიზიტორზე 1,2

-bounce rate 66%

-ყველაზე ნახვადი არის ის კონტენტი სადაც ურევია- შიშველი, სიყვარული,ქალი, და კაცი – სიტყვები.

-ყველაზე ხშირად კი არადა ძირითადად ბლოგზე შემოდიან

Top.ge, Facebook, blogger.com , sweet.ge და forum.ge –დან

# 3 ლისტ პოსტი (ები)

ასეთი პოსტები მანამდე უკვე დაწერილი მქონდა ამიტომ (კაკ რაზ) ლისტის სახეთ ჩამოვწერ

# 4 მოიფიქრე 10 პოსტი

ნუ მართალია 10 ვერაფრით გამოვიყვანე მაგრამ რაც არის საინტერესო იქნება მგონი :)

blo1

მაშ ასე მე შევასრულე 4 დავალება ერთში :) ვნახოთ რას ვიზავ შემდეგში :)

Thursday, September 24, 2009

♥ მარტოდ ძილი ♥

აღმოვაჩინე (ნადვილად მეკუთვნის აპლოდისმენტები) რომ -

♥ადამიანი მარტოდ ძილისთვის არაა

შექმნილი.♥♥

თითოეულ ჩვენგანში სურვილი იმისა, რომ ღამე ვიღაცას ხელი გადახვიო და ისე დაიძინო ღრმა ბავშვობიდანაა.






Saturday, September 19, 2009

ადამიანები და მათი გარემოცვა

ყველა ადამიანი ვცხოვრობთ საზოგადოებაში, მაგრამ ყველა არ ვთვლით თავს ამ კონკრეტული საზოგადოების წევრად. ხდება ისეც, რომ ჩვენთვის მნიშვნელოვანი შეიძლება იყვნენ ისინიც ვინც თვლიან თავს ამ საზოგადოების დამსახურებულ წარმომადგენლებად და ისინიც ვინც განუდგება ”მიღებულ/დამკვიდრებულ” რეალობას.

როგორიც არ უნდა იყოს ნებისმიერი ჩვენგანის მსოფლმხედველობა მაინც ვახერხებთ რაღაცნაირად ურთიერთობას, ხშირად თუ იშვიათად, კარგად თუ ცუდად, ნებით თუ უნებლიედ…

მოკლედ როგორც არის….. :)

ჩემს გარემოცვაში ადამიანებს ვყოფ სამ კატეგორიად:

  • ჩემები
  • ჩემიანები
  • ნაცნობები
  • სხვები

აქვე აგიღწერთ რა განსხვავებაა მათ შორის და რა ადგილი უჭირავთ ჩემს ცხოვრებაში:

1) ჩემები - ეს ისინი არიან ვინც მე არ ამირჩევია, ეს ის ადამიანებია, რომლებიც დაბადებისას დამხვდნენ თუ შემხვდნენ.

ოჯახი, ნათესავები, მათი ახლობლები, ოჯახის ახლო მეგობრები … ნუ მოკლედ ისინი ვისი არჩევაც ჩემს მაგივრად ჩემმა მშობლებმა ითავეს. მათი მნიშვნელოვნება საკმაოდ მაღალია, თუმცა ყველასი არა (მგონი ყველას გვყავს აუტანელი და ტვინისმჭამელი ახლობელ - ნათესაობა, რომელიც ჭორაობის და სხვის ცხოვრებაში ქექვის მეტს არაფერს აკეთებენ). ისინი ვინც ძალიან მიყვარს ყველაზე ახლობლები, ბიძაშვილ -მამიდაშვილები არიან. ნუ მათთან გავიზარდე, ის რომ მე ასეთი ვარ დარწმუნებით შემიძლია ვთქვა სულ ცოტათი მაინც მათი დამსახურებაა, ნუ ამას + ოჯახი(მშობლები) რაღა თქმა უნდა. (6 წლის ასაკამდე სანამ სკოლაში წავიდოდი და ჩემს საკუთარ მეგობრებს , აქტიურ მეგობრებს შევიძენდი ესენი იყვნენ ჩემთვის მეგობრებიც და ნათესავებიც)

3cow

2) ჩემიანები (ანუ რუსულად ”სვაი” ) - ამ ჯგუფში ხვდება ყველა ის ადამიანი რომელიც მე თვითონ ”ავარჩიე” თუ მათ ”ამარჩიეს” ურთიერთობისთვის, ყველა ვისთანაც ოჯახისგან დამოუკიდებლად ავაწყვე მეგობრული(ახლო) ურთიერთობა. ჩემიანები ყველა ის ადამიანია ვისაც შემიძია ვენდო, დარწმუნებული ვიყო მათ მხარდაჭერაში ისევე, როგორც მათ შეუძლიათ იყვენ დარწმუნებული რომ მათი გულისთვის თავით დავენარცხები ასფალტს საჭირო თუ იქნება.

ეს ის ადამიანები არიან ვინც არასოდეს მბეზრდება, სულ მიყვარს და სულ მსიამოვნებს მათი საზოგადოება. მოკლედ ესენი ფაქტიურად მეგობრები, რეალურად კი რაღაც უფრო ახლო და მნიშვნელოვნები არიან.

mishi3

3) კატეგორია ნომრით სამი ცოტა ისეთი აბლანდულია , ნაცნობები ძალიან ფართო ცნებაა ვიცი , მაგრამ ვეცდები ოდნავ მაინც აგიხსნათ ვინ არის ამაში გაერთიანებული. ნაცნობები ის ხალხია რომელიც შენს გარშემო რაღაც პერიოდულობით სულ ტრიალებენ. შესაძლოა ძალიან აქტიური და მჭიდრო შეხების სფერო გქონდეს ან უბრალოდ პატარა ქალაქში და პატარა ინტერნეტ სამყაროში ისინი სულ გხვდებიან სადღაც სიახლოვეს. ეს ადამიანები არ გამორჩევიან გულღიაობით ან ძალიან ახლო ურთიერთობით, მაგრამ მათთან ერთი ან სულაც რამოდენიმე საღამოს გატარება ძალიან სასიამოვნო და საკმაოდ ბევრის მომცემი ხდება.

03

და მეოთხე კატეგორია

4)სხვები- ეს ისეთი საზოგადოება თუ მისი წევრებია, რომელიც მოდიან და მიდიან, ხურდაში მოყვებიან სხვა ნაცნობებს შემთხვევით (საქმიან ან უბრალოდ სიტუაციის მიხედვით) გვეცნობიან და მათთან ურთიერთობა უბრალო გამარჯობა - ნახვამდის და შესაბამის სფეროზე პატარა წაჭორავებით შემოიფარგლება. ეს ადამიანები არ ქმნიან განწყობას , გარემოს და სასიამოვნო აურას. ისინი მოდიან და მიდიან როგორც წელიწადის დროები და შეიძლება უმოკლეს დროში ნახევარი მათგანიც ვერ გავიხსენო.

Christmas_Without_You_by_mnmsfreak

ასეთია ჩემს გარშემო არსებული საზოგადოება და მათი წევრები დანახული ჩემი გადმოსახედიდან. საერთოდ ძალიან უცნაურადაც ხდება ხოლმე, ნაცნობები ხდებიან ჩემიანები, ჩემები - სხვები და ასე უსასრულოდ, თუმცა დღემდე ვერ დავიჭირე კანონზომიერება რომ ან თავიდან ავიცილო ეს , ან კიდევ დავაჩქარო ხოლმე მოვლენები (აბეზარი ადამიანების შემთხვევაში).

და კიდევ არასოდეს დაფიქრებულხართ რის მიხედვით ვარდებიან ადამიანები ამა თუ იმ კატეგორიაში ერთი ნახვით , ერთი გასაუბრებით, თუნდაც ერთი ხელის ჩამორთმევითა და გადაკოცნით?

post-26-1174078185

რა მაგარია ადამიანური ურთიერთობები….